Ylli i Real Madrid, Rodrygo, mbetet larg të qenit i lumtur me situatën e tij aktuale në kryeqytetin spanjoll.

Sipas “ESPN Brasil”, 24-vjeçari po vazhdon të shqyrtojë seriozisht mundësinë e një largimi nga Santiago Bernabéu gjatë afatit kalimtar të janarit.

Sulmuesi brazilian është detyruar të pranojë një rol dytësor te Real Madridi në këtë fillim sezoni.

Pas një serie prej 28 ndeshjesh radhazi pa gol, ish-talenti i Santos është përdorur kryesisht si zëvendësues nga trajneri i ri, Xabi Alonso.

Dhe ky rol, duket qartë, nuk e kënaq aspak.

Sipas raportit të “ESPN Brasil”, lojtari i kombëtares braziliane është i dëshpëruar për minuta si titullar, sidomos me synimin për të siguruar një vend në skuadrën e Brazilit për Kupën e Botës së verës së ardhshme.

Raporti shton: “Ai po mban ende të hapur mundësinë për t’u larguar nga klubi, gjë që mund të ndodhë që në afatin kalimtar të ardhshëm, duke nisur në janar 2026.”/GazetaExpress/