Golden Eagle Ylli-Peja, do të jetë kryendeshja e xhiros së 18-të në elitën e basketbollit kosovar.
Kjo përballje, Pejën e gjenë në pozitën e dytë në tabelë me 12 fitore e pesë humbje, derisa Ylli është i katërti me 10 fitore e shtatë humbje.
Në dy duelet direkte, fitues kanë dal pejanët. Kjo përballje zhvillohet të shtunën nga ora 17:00.
Po atë ditë, por dy orë më vonë, luhet derbi i qytetit mes Bashkimit e Prizrenit.
Portokallinjtë janë të gjashtit me gjashtë fitore e 11 humbje, ndërsa një vend më poshtë prizrenasit me pesë fitore e 12 humbje.
Nga një fitore për secilin ekip në dy ndeshjet direkte mes tyre.
Të dielën luan ekipi më në formë për momentin, Trepca, e cila nuk di për humbje që 10 xhirove radhazi.
Mitrovicasit në shtëpi këtë herë e presin Vëllaznimin nga ora 19:00.
Xehetarët janë lider të tabelës bindshëm me 15 fitore e dy humbje, derisa gjakovarët janë të pestit me tetë fitore e nëntë humbje.
Përballja e fundit është mes Istogut e Sigal Prishtinës. Në këtë ndeshje që luhet nga ora 17:00, bardh e kaltrit shihet favorit të madh, duke e parë situatën tek Istogu që ka vetëm një fitore deri më tani dhe janë të fundit.
Në krahun tjetër, Prishtina është e treta në ndekje të pozitës së dytë, dallimi është një pikë.
