Edhe pas fitores 2-0 ndaj West Ham fundjavën e kaluar, pyetjet rreth Arne Slot vazhduan, pasi ai zëvendësoi Jurgen Klopp vitin e kaluar.
Emri i Klopp u përfol sërish pas fillimit të dobët të sezonit nga Liverpool, me vetëm shtatë fitore në 13 ndeshjet e para të Premierligës.
Gazetari Sam Wallace nga “The Telegraph” shkruan se ish-trajneri i Liverpoolit është i përqendruar plotësisht te puna e tij në rrjetin global të futbollit të Red Bull, duke i shuar ëndrrat për një rikthim të shpejtë në “Anfield”.
Megjithëse disa thashetheme sugjerojnë një rikthim dramatik, Klopp me shumë gjasa nuk do të kthehet.
Wallace shpjegon se komentet e fundit të Klopp për një “rikthim teorik” ishin vetëm një pranim i përgjithshëm, pa asnjë nënkuptim konkret.
Ai tashmë ka një rol aktiv te Red Bull, madje ka qenë pjesë e vendimit për shkarkimin e Marco Rose nga RB Leipzig më herët këtë vit.
Kjo nuk do të thotë se pozita e Slot është plotësisht e sigurt, pasi Wallace thekson se FSG mund të veprojë ashpër nëse është e nevojshme, edhe pse stili i tyre nuk është si ai i shumë pronarëve të tjerë.
Klopp mori drejtimin e projektit të Red Bull në janar, menjëherë pasi u largua nga Liverpool në vitin 2024 – duke i dhënë fund një epoke me tetë trofe të mëdhenj, përfshirë Premierligën dhe Ligën e Kampionëve.
Aktualisht, Liverpool i dha fund serisë prej tre humbjesh radhazi me fitoren ndaj West Ham.
Mohamed Salah ishte në stol për herë të parë këtë sezon në Premierligë.
Alexander Isak shënoi, ndërsa Cody Gakpo gjeti gjithashtu rrugën e rrjetës për të vulosur fitoren.
Liverpool po përgatitet të përballet në shtëpi me Sunderlandin që renditet i gjashti, e më pas do të udhëtojë për një ndeshje kundër Leeds gjatë fundjavës./GazetaExpress/
