Edhe një herë tjetër, kapiteni i Barcelonën Lionel Messi e kryeson listën e lojtarëve më të paguar në botë, sipas revistës franceze France Football, ndërsa sulmuesi i Juventusit Cristiano Ronaldo dhe i i Paris Saint-Germainit Neymari e plotësojnë top treshen.
France Football e publikon çdo vit që nga 1999-ta listën e lojtarëve më të paguar në botë dhe kjo revistë prestigjioze franceze pretendon se Lionel Messi do t’i fitojë rreth 131 milionë euro këtë vit, përmes pagës, bonuseve dhe përfitimeve nga reklamat, transmeton Gazeta Express.
Sulmuesi i Juventusit, Cristiano Ronaldo, është në vendin e dytë dhe ai pritet t’i fitojë 118 milionë euro këtë vit, pesë milionë euro më shumë sesa vitin e kaluar. Top treshen e kompleton Neymari i Paris Saint-Germainit, i cili pritet t’i fitojë rreth 95 milionë euro, 4.5 më shumë sesa sezonin e kaluar.
La vingt-deuxième édition du « spécial salaires des stars »
à retrouver demain dans @francefootball !
Un dossier de 15 pages avec le Top #Ligue1, le Top #Ligue2, le Top international mais également le Top des entraîneurs et le Top féminines #FranceFootball pic.twitter.com/SNxjPOpagq
Sa u përket trajnerëve, Diego Simeone i Atletico Madridit është trajneri më i paguar në botë dhe ai pritet ta mbyllë vitin me 40.5 milionë euro të fituara, duke i lënë pas Antonio Conten e Interit (30 milionë) dhe Pep Guardiolën e Manchester Cityt (27.5 milionë).
Shifrat për djemtë në futboll janë në mënyrë drastike të ndryshme me ato të vajzave. Futbollistja më e paguar në botë është amerikania Carli Lloyd. 37-vjeçarja luan për Sky Blue Footbal Clup në ligën amerikane të futbollit dhe do t’i fitojë këtë vit 480 mijë euro.
Bashkëkombësja e saj, Megan Rapinoe, radhitet e dyta me 415 mijë euro, ndërsa norvegjezja Ada Hegerberg e Olympique Lyon e kompleton top treshen me 400 mijë euro në vit. /Gazeta Express/
