Real Madridi e ka bërë prioritet transferimin e një mesfushori të ri për afatin kalimtar të verës, me qëllim mbushjen e boshllëkut të lënë nga legjendat Toni Kroos dhe Luka Modric.
Klubi po kërkon një mesfushor defensiv (“pivot”), sidomos duke pasur parasysh se Nico Pazi pritet të rikthehet si lojtar me profil më ofensiv.
Në listën e opsioneve janë përfshirë emra si Vitinha, Adam Wharton dhe Kees Smit.
Një tjetër emër i madh që është lidhur me madrilenët është fituesi i Topit të Artë 2024, Rodri Hernandez.
Mesfushori i Manchester Cityt dhe i kombëtares së Spanjës është ndjekur prej kohësh nga Reali dhe do të ishte i hapur për një transferim në “Bernabéu”.
Megjithatë, sipas raportimeve nga “Diario AS”, ai nuk konsiderohet objektiv për këtë verë.
Edhe pse marrëdhëniet mes palëve janë përmirësuar pas tensioneve të krijuara gjatë debatit për Topin e Artë në vitin 2024, kjo nuk pritet të çojë në një ofertë konkrete.
Ky është një vendim i rëndësishëm për Real Madridin, duke qenë se Rodri konsiderohet një nga mesfushorët më të mirë në botë.
Për më tepër, ai mund të ishte relativisht i arritshëm financiarisht, pasi kontrata e tij aktuale me Manchester Cityn skadon në vitin 2027 dhe ende nuk ka rinovim.
Gjithsesi, klubi madrilen po fokusohet tek alternativa të tjera për rolin e mesfushorit defensiv.
Emra si Vitinha dhe Smit pritet të jenë në qendër të planeve, ndërsa objektivi kryesor mund të bëhet më i qartë vetëm afër hapjes së merkatos verore në korrik./GazetaExpress/
