Themeluesi i Partisë Euroatlantike, Milaim Zeka, ka thënë në emisionin DPT te Fidani në T7 se Vjosa Osmani është dashur të udhëheqë bisedimet për lidhjen e koalicionit me Vetëvendosjen e jo kryetari i LDK’së, Isa Mustafa.

Osmani ka qenë kandidate për kryeministre nga ana e LDK’së, ndërsa Isa Mustafa ishte zgjedhur si kryetar konsensual i LDK’së në zgjedhjet e brendshme.

“Legjitimitetin për të biseduar për koalicion me VV’në e ka Vjosa Osmani e jo Mustafa”, ka thënë Zeka.

“Këtë legjitimitet e ka fituar nga populli. Pse të bisedojë Albin Kurti me Isa Mustafën. Paramendoni nëse Glauk Konjufca të kishte fituar më së shumti vota në zgjedhje. Po të udhëhiqte Albini bisedimet në atë rast do të ishte jo logjike” /Express/