Ka kaluar tashmë një gjysmë viti nga Olimpiada e Parisit dhe stuhia që po e rrethon skandalin rreth cilësisë së medaljeve olimpike, të cilat po prishen dita-ditës, nuk po shuhet.
Vetëm një muaj pas përfundimit të Lojërave Olimpike 2024, disa sportistë i shfaqën pakënaqësitë e tyre rreth medaljeve që i fituan në kryeqytetin francez.
E së fundmi, notarët francezë Clement Secchi dhe Yohann Ndoye-Brouard e zbuluan gjendjen aktuale të medaljeve të tyre.
Ata madje bënë shaka me foton e medaljeve, e cila u bë virale, duke thënë se ato duken sikur janë fituar në Lojërat Olimpike të vitit 1924, e jo më 2024.
Pas la médaille de bronze de Clement Secchi qui s’écaille 💀💀#Paris2024 pic.twitter.com/Dv7YOVxLMN
Tashmë skandali ka marrë përmasa edhe më të mëdha, shkruan mediumi spanjoll “AS”, përcjell “Gazeta Express”.
“Monnaie de Paris”, e cila ishte përgjegjëse për prodhimin e medaljeve, i ka shkarkuar tre personat përgjegjës për këtë mbikëqyrje.
U zëvendësuan drejtori industrial, drejtori i prodhimit dhe personi përgjegjës për cilësinë, shëndetin, sigurinë dhe mjedisin.
Problemi u shkaktua nga substanca toksike trioksid kromi.
Në bazëtë konstatimeve, ky është shkaku i të gjitha problemeve me medaljet olimpike të Parisit, sepse “Monnaie de Paris” e përdori atë në prodhimin e llaqeve me të cilat i lyen medaljet.
#ACTUALIDAD
🥇🥈🥉 La casa de la moneda de París entra en crisis por la devolución de 100 medallas olímpicas https://t.co/bcYQZ89ZQG
Trioksidi i kromit është i ndaluar në Bashkimin Evropian, ndaj organizatorëve të Olimpiadës së Parisit u kanë mbetur vetëm edhe 15 muaj për ta zgjidhur problemin dhe për ta gjetur një zëvendësues të tij.
Trioksidi i kromit përdoret kryesisht në procesin e veshjes së sipërfaqeve metalike për të përmirësuar rezistencën e tyre ndaj korrozionit.
Ai vepron si një oksidant në reaksione të ndryshme kimike dhe përdoret gjithashtu në prodhimin e gurëve të çmuar artificialë.
Megjithatë, duke qenë se është një përbërës shumë toksik, gërryes dhe kancerogjen, është e nevojshme të përdoren pajisje mbrojtëse gjatë trajtimit dhe është plotësisht i ndaluar në Bashkimin Evropian.
Personat e ngarkuar me prodhimin e medaljeve olimpike padyshim që nuk e dinin këtë, kështu që ata përfunduan duke e gjetur një zgjidhje alternative që çoi në shkatërrimin e plotë të medaljeve.
“Monnaie de Paris” i prodhoi më shumë se 100 medalje.
Komiteti Olimpik Ndërkombëtar njoftoi se të gjitha këto medalje do të zëvendësohen. /Gazeta Express
