Federico Gatti është pjesë e listës së skuadrës së Juventusit për ndeshjen e sotme kundër Cagliarit, ndërsa katër lojtarë vazhdojnë të jenë ende të padisponueshëm.
Trajneri i Juventusit, Luciano Spalletti, ka publikuar listën e lojtarëve për ndeshjen e sotme të Serie A kundër Cagliarit në “Allianz Stadium”, me Edon Zhegrovën që po ashtu është i ftuar.
Siç pritej, reprezentuesi i Italisë, Gatti, është rikthyer në skuadër pasi humbi ndeshjen e fundit të Ligës së Kampionëve kundër Bodo/Glimt për shkak të gripit.
Gatti do të jetë në dispozicion për Juventusin, por pritet të nisë ndeshjen nga stoli, duke i lënë vend Lloyd Kelly, Pierre Kalulu dhe Teun Koopmeiners në mbrojtjen me tre.
Dusan Vlahovic gjithashtu është rikuperuar plotësisht dhe është pjesë e skuadrës që pret Cagliarin sot në orën 18:00.
Lista e skuadrës së Juventusit konfirmon se vetëm katër lojtarë janë aktualisht të padisponueshëm: Arkadiusz Milik, Gleison Bremer, Carlo Pinsoglio dhe Daniele Rugani.
Bremer nuk ka qenë aktiv që nga 27 shtatori dhe pritet të kthehet në fushë në mesin e dhjetorit, sipas raportimeve të fundit në Itali./GazetaExpress/
I ⚪️⚫️ convocati per #JuveCagliari 📜
Powered by @WhiteBit pic.twitter.com/JDg2hOKTWn
