Mbrojtësi Álvaro Carreras i është bashkuar zyrtarisht klubit spanjoll Real Madrid nga Benfica, njoftoi të hënën klubi madrilen.
22-vjeçari spanjoll ka nënshkruar një kontratë gjashtëvjeçare, e cila do ta mbajë në radhët e “Los Blancos” deri më 30 qershor 2031.
Carreras është produkt i akademisë së të rinjve të Real Madridit, ku ka luajtur në kategoritë kadet dhe të rinj mes viteve 2017 dhe 2020.
Ai iu bashkua Benficës nga Manchester United, pasi ishte shpallur Lojtari më i mirë i ekipit U23 të klubit anglez për sezonin 2021–2022.
Me Benficën, ai fitoi Kupën e Ligës Portugeze këtë vit.
Real Madrid njoftoi gjithashtu se prezantimi zyrtar i Carreras do të zhvillohet ditën e martë në kompleksin stërvitor të klubit./GazetaExpress/
