Klubi i basketbollit Peja është përforcuar sot me një lojtar kanadez.

Verdhezinjtë kanë njoftuar se i kanë siguruar shërbimet e basketbollistit, Devoe Joseph, shkruan “Gazeta Express”.

Ai luan në pozitën dy dhe ka eksperiencë të madhe pasi ka luajtur në ligat elitare të Ukrainës, Spanjës, Turqisë, Francës, Izraelit, Finlandës dhe së fundi ishte pjesë e ekipit Enea Zastal të Polonisë.

Pejanët i kanë uruar mirëseardhje lojtarit, duke njoftuar ndërkohë që Joseph do t’i bashkohet ekipit sot dhe se do të mundohet ta ndihmojë ekipin nga Rrafshi i Dukagjinit në vazhdim të kampionatit.

Pejanët synojnë ta kenë një sezon të suksesshëm duke e mbyllur atë me trofe të fituar. /Gazeta Express/