Gjashtë herë kampioni Roger Federer do të mungojë në Australian Open për herë të parë në karrierë, sepse është duke e vazhduar riaftësimin nga operimi në gju.
Tenisti 39-vjeçar, fitues i 20 titujve grand slam, nuk ka luajtur që prej janarit për shkak të dy ndërhyrjeve kirurgjike në gju, transmeton Gazeta Express.
Zvicerani shpresonte se do të rikthej në fushë në grand slamin e parë të vitit, Australian Open, i cili u shty për 8 shkurt.
Megjithatë, ai nuk ia ka dalë mbarë të shërohet për të marrë pjesë në turneun e Melbourne.
“Rogeri nuk pati për t’u përgatitur për turneun e vështir grand slam”, tha drejtori i Australian Open Craig Tiley.
Federeri luajti në Australian Open 21 vjet radhazi, por menaxheri i tij ka thënë se mungesa e tij në këtë turne është vendimi më i mirë afatgjatë.
/Gazeta Express/
