Trajneri i mirënjohur kosovar, Ismet Munishi ka dhënë dorëheqje nga pozita e trajnerit te Dukagjini.
Këtë e ka bërë me dije në rrjetin social “Facebook”, duke thënë se ky vendim vjen pas “arsyeve personale”.
Në postimin e tij, ai ka falënderuar qytetin e Klinës, presidentin e klubit dhe stafin e tij të trajnerëve.
“Falemderi Klinë !
Rrugtimi im te KF Dukagjini (Klinë) mbaron ketu,per arsye personale jap dorheqje nga posti i trajnerit .
Falemderoj qytetarët e Klinës , Presidentin Fabian Veseli , Drejtorin Korab Desku !
Falemderoj stafin e trajnerve Ardian Basha, Ndue Pergjokaj, Valmir Bytyqi dhe Sejdi Morina !
Falemderoj lojtarët për sakrificën dhe përkushtimin e tyre !
Klubit i dëshiroj shumë suksese në vazhdim !”, shkruan Munishi.
Ismet Munishi e lë Dukagjinin në pozitën e katërt në tabelë me 17 pikë, nëntë më pak se Prishtina në vendin e parë.
Sezonin e kaluar, Dukagjini i Ismet Munishit kishte përfunduar i shtati në tabelë me 48 pikë, duke i ikur pozitës së barazhit.
Ismet Munishi e kishte marrë drejtimin e Dukagjinit në qershor të vitit 2024./GazetaExpress/
