Liverpool FC ka kompletuar transferimin e mbrojtësit Giovanni Leoni nga Parma, por me kushtin që të marrë lejen ndërkombëtare dhe aprovimin për lejen e punës në Britani.
18-vjeçari i bashkohet kampionëve të Premier League pas kalimit të kontrollit mjekësor dhe nënshkrimit të një kontrate afatgjatë në Qendrën e Trajnimit AXA sot.
Leoni pati një sezon të shquar në elitën e futbollit italian gjatë një sezoni të tij me skuadrën e Serie A, Parma, në sezonin 2024-25, duke luajtur në 17 ndeshje dhe duke shënuar një gol.
“Jam shumë i lumtur që jam këtu. Është një ndjesi e jashtëzakonshme dhe ndihem i nderuar që jam këtu,” tha ai për Liverpoolfc.com gjatë intervistës së tij të parë zyrtare.
“Po, shumë [entuziazëm]. Ndihem shumë i nderuar. U bëra shumë i lumtur [që Liverpool ishte i interesuar]. Kur e pashë këtë, thashë: ‘Wow, kjo është e pabesueshme.’ Jam shumë i lumtur.”
Leoni debutoi si profesionist për Padova në mars 2023, vetëm tre muaj pas ditëlindjes së tij të 16-të.
Ai kaloi gjysmën e dytë të sezonit 2023-24 me huazim te Sampdoria në Serie B – duke luajtur dymbëdhjetë ndeshje dhe duke shënuar një gol – përpara se Parma ta blinte përfundimisht verën e kaluar.
Giovanni Leoni is a Red. pic.twitter.com/xMXH9fXnVp
I lindur në Romë, qendërmbrojtësi ka përfaqësuar gjithashtu Italinë në nivelet e moshave, duke luajtur shtatë ndeshje me ekipin U19.
Ai do të mbajë fanellën me numrin 15 te Liverpool.
“Dua të përmirësohem shumë me shokët e mi të rinj në stërvitje dhe më pas në fushë, në Premier League dhe Champions League,” shtoi Leoni.
“Do të shikoj ndeshjen [kundër AFC Bournemouth në Anfield sonte] në stadium, do të shoh lojën dhe pas ndeshjes fillon një udhëtim i ri”. /GazetaExpress/
