Përplasjet mes zyrtarëve të LV-së dhe LDK-së nuk kanë të ndalur.

Posti i presidentit po vazhdon ende t’i përçajë këto parti të cilat po tentojnë të ndërtojnë koalicion qeverisës mes vete, por që gjasat të ndodhë kjo janë zvogëluar jo pak.

Mbrëmë sekretari organizativ i LDK-së, Arban Abrashi, tha se kërkesa e LDK-së për presidentin është për shtetin e jo për LDK-në.

Por me këtë deklaratë ka ironizuar jo pak Avni Zogiani i LV-së, i cili ia kujton LDK-së se edhe Thaçin e kanë zgjedhur president për shtetin.

“Për shtetin edhe Thaçi qe ba president!”, ka shkruar ai.

Kujtojmë se janë përplasur mes vete mbrëmë edhe nënkryetari i LDK-së, Agim Veliu, dhe ai i LV-së, Besnik Bislimi.